Klassisk Massasje - Muskelspenningar

Klassisk massasje er ei av dei viktigaste behandlingsformene mot muskelspenningar og har stor betyding for velvære for kropp og sjel. Massasjen vil vera førebyggande og lindrande. Den viktigaste oppgåva er å løyse opp spenningar i muskulaturen. Spenningar kan oppstå på grunn av dårleg arbeidsstilling eller overbelasting av ein eller annan art. Andre grunnar kan ha meir psykiske årsaker som stress, uro og angst. Spenningar set seg i kroppen og kan ofte gi smerter i rygg, skuldrene, nakke, hofter og kne.

Slik er behandlinga

Ein konsultasjon startar gjerne med ei utspørjing der behandlaren kartlegg helsetilstanden og spør om kvifor du har kome til behandling. Under behandling ligg ein på ein behandlingsbenk i undertøyet med eit handklede eller teppe over seg. Dette dekkjer område på kroppen som ikkje blir massert. Den klassiske massasjen består av bindevevsmassasje, lymfedrenasje og akupressur. Mange opplever behandlinga som behageleg og avslappande.

Rygg-, nakke- og skuldermassasje

Dette egnar seg spesielt godt ved smerter og stivheit i dei nemnde områda. Stram muskulatur i nakke og skuldrer kan vera årsak til hovudverk og svimmelheit. Behandlinga verkar med avspenning og løyser opp i muskelspenningane. Hard og stram muskulatur blir strekt og tøygd for å auke blodsirkulasjonen og få reinsa ut avfallsstoff. Massasjen aukar endorfinproduksjonen i kroppen, noko som fører til smertelindring og velvære. Samtidig blir nivået av stresshormon redusert. Massasjen blir utført med planteoljer som kan vera blanda med velluktande eteriske planteoljer. Dei eteriske oljene har ulike terapeutiske eigenskapar som kan forsterke effekten av behandlinga.

Massasjeterapeutisk behandling

Som massasjeterapeut beherskar eg fleire ulike metodar og teknikkar for massasje. Eit felles mål er at massasjen skal løyse opp og motverke muskelspenningar.

Følgjande metodar / teknikkar kan brukast ved ei massasjeterapeutisk behandling:

Triggerpunktmassasje, Bac Shu, energimassasje og bindevevsmassasje. Triggerpunkt er ei av dei mest vanlege årsakene til smerte i muskulatur og ledd. Med trykk, massasje, ising og muskeltøyingar kan desse punkta slutte å gi smerteoppleving. Massasjeterapeutisk behandling kan difor variere mykje frå klient til klient. Kvar behandling blir avslutta med massasje. Behandlinga kan enten vera retta mot å førebyggje, eller å behandle bestemte problem som vonde skuldrer, nakkesperre, ryggvondt, leddproblem, tennisolboge, hovudverk med meir.